കുടിവെള്ള പൈപ്പില്‍ മലിനജലം കലരുന്നതായി പരാതി

ഒരുമനയൂര്‍: അശാസ്ത്രീയമായി പൈപ്പുകളും വാല്‍വും സ്ഥാപിച്ചതുമൂലം മലിന ജലം കുടിവെള്ള പൈപ്പില്‍ കലരുന്നതായി പരാതി. ഒരുമനയൂര്‍ മൂന്നാം കല്ല് ടോളിനടുത്ത ശുദ്ധജലവിതരണ ടാങ്കിനുതാഴെ സ്ഥാപിച്ച പൈപ്പുകളുടെ വാല്‍വുകളാണ് നിലത്ത് മുട്ടിയ നിലയിലുള്ളത്. ഇതിലൂടെയാണ് മലിനജലം അകത്തുകടക്കുന്നത്. വാട്ടര്‍ അതോറിറ്റി അധികൃതരുടെ ശ്രദ്ധയില്‍ പെടുത്തിയിട്ടും നടപടിയില്ലെന്ന് നാട്ടുകാര്‍ പറയുന്നു.