വട്ടേക്കാട് :ഉച്ചക്കഞ്ഞി വിതരണത്തിന് ഉപയോഗിക്കുന്ന വെള്ളം മാലിന്യം കലര്‍ന്നതാണെന്ന് പരാതി

ചാവക്കാട്:വട്ടേക്കാട് എ.എം.പി.കെ.എം.എച്ച്. യു.പി. സ്‌കൂളില്‍ കുട്ടികള്‍ക്ക് ഉച്ചക്കഞ്ഞി വിതരണത്തിന് ഉപയോഗിക്കുന്ന വെള്ളം മാലിന്യം കലര്‍ന്നതാണെന്ന് പരാതി. മാലിന്യം നിറഞ്ഞ കിണറ്റില്‍നിന്നാണ് വെള്ളമെടുക്കുന്നത്. ഈ വെള്ളത്തില്‍ വെച്ച കഞ്ഞികുടിച്ച് കുട്ടികള്‍ക്ക് പകര്‍ച്ചവ്യാധി ഉണ്ടാകുമെന്ന ആശങ്കയുണ്ട്. കഞ്ഞിക്ക് ശുദ്ധജലം ലഭ്യമാക്കാന്‍ അധ്യാപകരും പി.ടി.എ. കമ്മിറ്റിയും തയ്യാറാകണമെന്ന് കടപ്പുറം പഞ്ചായത്ത് പ്രതികരണവേദി യോഗം ആവശ്യപ്പെട്ടു. ചെയര്‍മാന്‍ പി.എം. നൗഷാദ് അധ്യക്ഷനായി. വി.കെ. അക്ബര്‍, ആര്‍.കെ. ആരിഫ്, താജുദ്ദീന്‍ എന്നിവര്‍ പ്രസംഗിച്ചു.