നാട്ടുകാര്‍ക്ക് ശല്യക്കാരനായ മരപ്പട്ടി ട്രാന്‍സ്‌ഫോര്‍മറിന് കീഴടങ്ങി

 : ഒരുമനയൂര്‍ മേഖലയില്‍ വീടുകളില്‍ വളര്‍ത്തുന്ന കോഴികളെ പിടിച്ചുതിന്ന് നാട്ടുകാരെ പൊറുതി മുട്ടിച്ചിരുന്ന മരപ്പട്ടി ഒടുവില്‍ ഇലക്ട്രിക് ട്രാന്‍സ്‌ഫോര്‍മറിന് കീഴടങ്ങി. ഒരുമനയൂര്‍ തൈക്കടവ് പ്രദേശത്ത് ദിവസങ്ങളായി മരപ്പട്ടി കോഴിക്കൂടുകളുടെ പഴുതുകളിലൂടെ കൂട്ടില്‍ കയറി നിരവധി കോഴികളെയാണ് കൊന്നൊടുക്കിയത്. വ്യാഴാഴ്ച പുലര്‍ച്ചെ തൈക്കടവ് പള്ളിപ്പെട്ടിക്കടുത്തുള്ള ഇലക്ട്രിസിറ്റി ട്രാന്‍സ്‌ഫോര്‍മറിനുള്ളിലെ ഫ്യൂസുകള്‍ക്ക് മുകളിലാണ് മരപ്പട്ടിക്ക് ഷോക്കേറ്റത്. ഇലകട്രിസിറ്റി ജീവനക്കാരെത്തി മരപ്പട്ടിയെ പുറത്തെടുത്തു.