നിഷിതയുടെ കുടുംബത്തിന് മുഖ്യമന്ത്രിയുടെ ധനസഹായം ഒരു കൈത്താങ്ങായി

ചാവക്കാട്: തുറന്നിട്ട വാതിലുമായി അമിതവേഗതയില്‍ പാഞ്ഞ ബസ്സില്‍ നിന്ന് റോഡിലേയ്ക്ക് തെറിച്ചുവീണ് മരിച്ച വിദ്യാര്‍ഥിനിയുടെ കുടുംബത്തിന് മുഖ്യമന്ത്രി ഉമ്മന്‍ചാണ്ടിയുടെ ജനസമ്പര്‍ക്ക പരിപാടിയില്‍ ഒരു ലക്ഷം രൂപയുടെ ധനസഹായം ലഭിച്ചു. കടപ്പുറം അഞ്ചങ്ങാടി കെട്ടുങ്ങല്‍ വലിയകത്ത് ബുഷറയുടെ മകള്‍ നിഷിത (14)യാണ് മരിച്ചത്. നിഷിതയുടെ മാതാവ് ബുഷറ മുഖ്യമന്ത്രിയുടെ സാന്നിധ്യത്തില്‍ കെ.വി. അബ്ദുള്‍ഖാദര്‍ എം.എല്‍.എ.യില്‍ നിന്ന് ധനസഹായം ഏറ്റുവാങ്ങി. ചെറ്റക്കൂരയില്‍ കഴിയുന്ന കുടുംബത്തിന് ലഭിച്ച ധനസഹായം ഏറെ ആശ്വാസമായി.