വട്ടേക്കാട് ചന്ദനക്കുടം നേര്‍ച്ച സമാപിച്ചു

വട്ടേക്കാട് ബര്‍ദാന്‍ തങ്ങളുടെ ജാറത്തിലെ ചന്ദനക്കുടം നേര്‍ച്ച ഞായറാഴ്ച പുലര്‍ച്ചെ നടന്ന നാട്ടുകാഴ്ചയോടെ സമാപിച്ചു. ബര്‍ദാന്‍ തങ്ങളുടെ ജാറത്തിലെ 60-ാമത് ചന്ദനക്കുടം നേര്‍ച്ചയാണ് ഇത്തവണ ആഘോഷിച്ചത്. രണ്ടുദിവസങ്ങളിലായി വിവിധ സംഘടനകളുടെയും വീടുകളില്‍ നിന്നുമുള്ള കാഴ്ചകള്‍ ജാറം അങ്കണത്തിലെത്തി. താബൂത്ത് കാഴ്ചയും കൊടികയറ്റകാഴ്ചയും ശ്രദ്ധേയമായി. നൂറുകണക്കിന് വിശ്വാസികള്‍ രണ്ടുദിവസങ്ങളിലായി ജാറം അങ്കണത്തിലെത്തി. കുന്നംകുളം ഡിവൈ.എസ്.പി കെ.കെ. ഇബ്രാഹിം, സിഐ കെ.സുദര്‍ശന്‍, എസ്‌ഐ എം.കെ.ഷാജി എന്നിവരുടെ നേതൃത്വത്തില്‍ പോലീസ് സംഘവും സ്ഥലത്തെത്തിയിരുന്നു.