കടല്‍ത്തിരയില്‍ വഞ്ചിയില്‍നിന്ന് വീണ് മത്സ്യത്തൊഴിലാളിക്ക് പരിക്കേറ്റു

 ചാവക്കാട്:ശക്തമായ കടല്‍ത്തിരയില്‍പ്പെട്ട് വഞ്ചിയില്‍നിന്ന് തെറിച്ചുവീണ് മത്സ്യത്തൊഴിലാളിക്ക് പരിക്കേറ്റു. പാലയ്ക്കല്‍ മോഹനന്റെ ഉടമസ്ഥതയിലുള്ള വഞ്ചിയിലെ മത്സ്യത്തൊഴിലാളി ഇരട്ടപ്പുഴ വട്ടേക്കാട്ട് ഗോപനാ (37) ണ് പരിക്കേറ്റത്. ബുധനാഴ്ച മത്സ്യബന്ധനം കഴിഞ്ഞ് വഞ്ചി കരയ്ക്കണയാന്‍ വരുമ്പോഴാണ് അപകടം ഉണ്ടായത്. ബ്ലാങ്ങാട് ബീച്ചില്‍നിന്നും മത്സ്യബന്ധനത്തിന് പോയ വഞ്ചിയിലെ മത്സ്യത്തൊഴിലാളിക്കാണ് അപകടം പറ്റിയത്. എല്ല് പൊട്ടിയിട്ടുണ്ട്. മുതുവട്ടൂര്‍ രാജ ആസ്​പത്രിയില്‍ ചികിത്സയിലാണ്.